News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

क्यानाडा पठाई दिने भन्दै लाखौं ठगि गर्ने धिरज पक्राउ

'ठगी सम्बन्धी कसूर अन्तर्गत कास्की जिल्ला अदालतबाट ५ दिनको म्याद थप'

पोखरा । विदेश पठाई दिने भन्दै लाखौं रुपैयाँ ठगि गरेको आरोपमा जिल्ला प्रहरी कार्यालय कास्कीले धिरजकुमार विश्वकर्मालाई पक्राउ गरेको छ । पर्वत जिल्ला मोदी गाउँपालिका वडा नं. ७ स्थायी घर भई हाल पोखरा–३० शिशुवा बस्ने वर्ष ३८ का धिरजकुमार विश्वकर्मालाई कास्की प्रहरीले पक्राउ गरेको हो ।

कास्की, स्याङ्जा, तनहुँ, म्याग्दी लगायतका जिल्लाका ३३ जना व्यक्तिहरुलाई क्यानडा पठाई दिन्छु भन्दै ९० लाख ७१ ह्जार पाँचसय रुपैयाँ ठगि गरेको जिल्ला प्रहरी कार्यालय कास्कीका प्रवक्ता प्रहरी नायव उपरिक्षक सुवास हमालले जानकारी दिनुभयो ।

आफू विगत लामो समयदेखि विदेश वसेको र यूरोप, क्यानडा, अमेरिका लगायतका देशहरुमा धेरै मानिसहरु रोजगारीको लागि पठाई सकेको भन्दै ती मानिसहरुलाई विश्वास दिलाई धिरजकुमारले ठगी गरेको प्रहरीमा परेको उजुरीमा उल्लेख छ । ती व्यक्तिले विश्वास दिलाउने वाहनामा विभिन्न सहकारी संस्था र विकास बैंकहरुको चेकसमेत दिएका थिए ।

गत माघ १३ गते पक्राउ परेका विश्वकर्मालाई ठगी सम्बन्धी कसूर अन्तर्गत कास्की जिल्ला अदालतबाट ५ दिनको म्याद थप गरी थप अनुसन्धान अगाडि बढाइएको प्रहरीले जनाएको छ । ठगि गर्ने विश्वकर्मालाई प्रहरीले पोखरा–१० रामबजारबाट पक्राउ गरेको थियो ।

प्रतिक्रिया