स्याङ्जा । जिल्ला प्रहरी कार्यालय स्याङ्जाले आफ्नै बुहारीलाई जबरजस्ती करणी गरेको आरोपमा ससुरालाई पक्राउ गरेको छ । २१ वर्षीय बुहारीलाई बलात्कार गरेको आरोपमा ६० वर्षका ससुरा पक्राउ परेका हुन् । ससुराले मादक पदार्थ सेवन गरी सुतिरहेको अवस्थामा घरमा नै पटक–पटक बलात्कार गर्दै आईरहेको आरोप बुहारीले लगाएकी हुन् ।

स्याङ्जा प्रहरीका अनुसार आँधिखोलाका घर भएका ती ससुराले विगत चार वर्षदेखि बुहारीमाथि बलात्कार गर्दै आईरहेको जाहेरीमा उल्लेख छ । ती आरोपित ससुरालाई बिहीबार पक्राउ गरिएको प्रहरी उपरीक्षक होविन्द्र बोगटीले जानकारी दिनुभयो ।

सामाजिक डर, त्रास र परिवार भित्र कैं सबैभन्दा ज्येष्ठ अभिभावकका विषयमा बाहिर विरोध गर्न नसक्दा सुध्रिन्छ कि भन्दाभन्दै लगातार बलात्कार गर्दै आएपछि बाध्य भएर जाहेरी दिन परेको प्रहरी सामु ती बुहारीले बताएकी छिन् ।

१६ वर्षको उमेरमा विवाह गरेकी ती महिलालाई ससुराले भारतमा हुँदा पनि बलात्कार गर्ने गरेको रहस्य खुलेको छ । पटक–पटक बुहारीलाई बलात्कार गरेका ससुरालाई स्याङ्जा जिल्ला अदालतबाट पाँच दिनको म्याद थप गरी प्रहरीले अनुसन्धान अघि बढाएको छ ।