News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

लमजुङमा पक्राउ परेका प्रतिबन्धित नेपाल कम्युनिष्ट पार्टीका कार्यकर्ताहरु सार्वजनिक

लमजुङ । हिजो राती १ बजे पक्राउ परेका नेत्र विक्रम चन्द ‘विप्लव’ नेतृत्वको प्रतिबन्धित नेपाल कम्युनिष्ट पार्टीका ६ जना नेता तथा कार्यकर्ताहरुलाई जिल्ला प्रहरी कार्यालय लमजुङले आज सार्वजनिक गरेको छ ।

प्रहरीले ती विप्लव समर्थित नेता तथा कार्यकर्ताहरुलाई विस्फोटक पदार्थसम्बन्धी कसूरअन्तर्गत कारवाही अगाडि बढाएको जानकारी दिएको छ । यता, नेकपा गण्डक ब्यूरोका ईञ्चार्ज आस्थाले एक प्रेस विज्ञप्ति जारी गर्दै शान्तिपूर्ण जनभेटघाटको सिलसिलामा संकटकालको झैं गाउँ नै घेरा हाली पक्राउ गरिएको उल्लेख छ ।

प्रहरीले जारी गरेको विज्ञप्तिमा भने खानतलासी गर्नेक्रममा उनीहरुले झोलाभित्र लुकाई राखेको अवस्थामा विस्फोटक पदार्थ पनि भेटिएको दावी गरेको छ । प्रहरीले पार्टीसँग सम्बन्धित कागजपत्र, नगद, ग १५ प ८१३७ नम्बर र बा ७४ प ७०८७ नम्बरका मोटरसाइकल, मोबाइल सेट र सिमकार्ड पनि बरामद गरिएको जानकारी दिएको छ ।

नेकपाका कार्यकर्ताहरुले दोर्दी गाउँपालिका– ५ खिमचोक पाँचस्वाँरामा अवाच्छनीय गतिविधि गरिरहेको भन्ने गोप्य सूचनाका आधारमा प्रहरी नायब उपरीक्षक गङ्गाबहादुर थापाको नेतृत्वमा गएको टोलीले घेराबन्दी गरेर पक्राउ गरेको जिल्ला प्रहरी कार्यालय लमजुङले जारी गरेको विज्ञप्तिमा उल्लेख छ ।

पक्राउ पर्नेमा रोल्पा जिल्ला गङ्गादेव गाउँपालिका वडा नं २ घर भएका लमजुङ इञ्चार्ज भनिने ४२ वर्षीय जङ्गबहादुर भण्डारी, लमजुङ जिल्ला, दोर्दी – ७ घर भएका जिल्ला सेक्रेटरी भनिने ४६ वर्षीय बिलबहादुर गुरुङ, मध्यनेपाल नगरपालिका वडा नं ४ घर भएका लमजुङ जिल्ला कमिटी सदस्य भनिने ६२ वर्षीय नारायणबहादुर कुँवर, राइनास नगरपालिका–६ घर भएका जिल्ला कमिटी सदस्य भनिने ३४ वर्षीय रवीन्द्र नखोला रहेको जिल्ला प्रहरी कार्यालयका प्रनाउ थापाले बताउनुभयो । उहाँका अनुसार समूहका कार्यकर्ता दोर्दी –७ घर भएका २२ वर्षीय दुर्गालाल तामाङ र मध्यनेपाल– १० घर भएका २६ वर्षीय सुजन थापालाई पनि प्रहरीले पक्राउ गरेको छ ।

त्यसो त प्रहरीले विप्लव समर्थित नेता तथा कार्यकर्ताहरुलाई झुठो मुद्दा लगाउने, हातहतियार तथा विष्फोटक पदार्थमा फसाउने र पटक–पटक पक्राउ गर्ने लगायतका कामहरु भईरहँदा सर्वोच्च अदालतले बाध्यकारी आदेश जारी गर्दै धेरै नेता तथा कार्यकर्ताहरुलाई थुनामुक्त गर्दै आईरहेको छ ।

प्रहरीले जारी गरेको विज्ञप्तिमा भने खानतलासी गर्नेक्रममा उनीहरुले झोलाभित्र लुकाई राखेको अवस्थामा विस्फोटक पदार्थ पनि भेटिएको दावी गरेको छ । प्रहरीले पार्टीसँग सम्बन्धित कागजपत्र, नगद, ग १५ प ८१३७ नम्बर र बा ७४ प ७०८७ नम्बरका मोटरसाइकल, मोबाइल सेट र सिमकार्ड पनि बरामद गरिएको जानकारी दिएको छ । तस्विरः जिल्ला प्रहरी कार्यालय लमजुङको फेसबुक पेजबाट साभार

प्रतिक्रिया