पोखरा, २९ चैत । जिल्ला अदालत कास्कीमा अंश, घरेलु हिंसा र माना चामलसम्बन्धी मुद्दा चलिरहेको अवस्थामा श्रीमान्ले नै श्रीमतीको चेकबुक चोरी गरी किर्ते हस्ताक्षर गर्दै विभिन्न व्यक्तिलाई चेक बाँडेको आरोप लागेको छ।

पोखरा महानगरपालिका वडा नं. ७ शान्तिनगरचोककी कञ्चन सेडाईले आफ्ना श्रीमान् अनुप घर्ती जिसीले घरबाट चेकबुक चोरी गरी किर्ते हस्ताक्षरसहित विभिन्न व्यक्तिलाई चेक बाँडिरहेको आरोप लगाएकी छन् । उनले चोरिएका चेकहरू तत्काल फिर्ता नगरे कानुनी कारबाही अघि बढाउने चेतावनीसमेत दिएकी छन् ।

कञ्चन सेडाईका अनुसार, २०८२ मंसिर १६ गते घरमा आफू नभएको मौका पारेर अनुप घर्ती जिसी शान्तिनगरचोकस्थित घरमा प्रवेश गरी दराजमा राखिएका प्राइम कमर्सियल बैंक, सांग्रिला डेभलपमेन्ट बैंक र नबिल बैंकका तीनवटा चेकबुकहरू, सुनका गहना तथा नगद रकम चोरेर लगेका थिए।

घरबाट चेक चोरी भएको थाहा पाएपछि कञ्चन सेढाईले ‘आदर्श समाज राष्ट्रिय दैनिक’मा समेत यसरी ‘सूचना’ प्रकाशित गरेकी थिईन् ।

घटना बाहिर आउनुको मुख्य कारण एक दिदीबाट फोनमार्फत प्राप्त सूचना रहेको उनले बताइन् । ‘तिम्रो बुढाले तिम्रो नामको चेक विभिन्न मान्छेलाई दिएर किर्ते हस्ताक्षर गर्दै रकम भराउँदैछन्, सचेत रहनु’ भन्ने सूचना पाएपछि उनी तत्काल जिल्ला प्रहरी कार्यालय कास्की र तीनवटै बैंकमा पुगेर खाता रोक्का गराउनुका साथै चोरीको जाहेरी दिएकी थिइन् ।

पछिल्लो समय अनुप घर्ती जिसी र एक चेक लिने व्यक्तिबीचको गोप्य अडियो रेकर्ड समेत बाहिर आएको छ। उक्त अडियोमा अनुप घर्तीले चेक लिएका व्यक्तिलाई प्रहरी वा अदालतमा के भन्ने भन्ने विषयमा निर्देशन दिइरहेको सुनिन्छ। चेक चोर्ने र चेकमा भरिएको रकम दावी गर्ने बिचको अडियो रेकर्ड डन न्यूजसँग सुरक्षित छ ।

अडियोमा अनुप घर्तीले किर्ते गरेर चेक दिएका व्यक्तिसँग ‘तपाईं कहाँ हुनुहुन्छ ? घरमैं हो, बुझ्नु भयो नि कुरा, सबै कुरा बुझ्नु भयो, त्यही अनुसार गर्नु” भन्दै प्रहरी वा अदालतमा के भन्ने भनेर निर्देशन दिइरहेको देखिन्छ। उता चेक लिएका व्यक्तिले “ठगीमा मुद्दा चलाउँछु भनेका छन् प्रहरीले, के गर्ने, म त फसे नि ?’ भनेका छन्।

अनुप घर्तीले आफ्नै घरमा भाडामा बसेकी युवतीमाथि यौनहिंसा र अभद्र व्यवहार गरेर प्रहरी हिरासतमा परेका थिए भने, सुनार चोरीको सुनका गहना किनबेचको अभियोगमा जेल सजाय भोगेर फर्किएका अपराधिक पृष्ठभूमिका व्यक्ति हुन्।

अनुप घर्ती जिसी पटक–पटक अभद्र व्यवहारमा प्रहरी हिरासतमा परिसकेका व्यक्ति हुन् भने राजु सुनार (पोखरा–९ स्थायी घर भई हाल पोखरा–३ बस्ने) चोरीका गरगहना किनेको अभियोगमा पटक–पटक पक्राउ परी जेल सजाय भोगिसकेका व्यक्ति हुन् । अनुप घर्ती जिसी २०८२ माघ ३ गते बिहान ८ः४५ बजे घरभाडामा बस्ने १७ वर्षीय परियार थरकी युवतीमाथि यौनजन्य हिंसा गरेको आरोपमा वडा प्रहरी कार्यालय बैदामबाट पक्राउ गरी अभद्र व्यवहार मुद्दामा केही महिना अघि मात्र धरौटीमा रिहा भएका थिए ।

कञ्चन सेडाईले ‘आदर्श समाज’ राष्ट्रिय दैनिकमा सूचना प्रकाशित गरी चेक लिएकाहरूलाई तत्काल फिर्ता गर्न अनुरोध गरेकी थिइन् । तर पनि चेक बाँडिने क्रम जारी रहेको उनको भनाइ छ।

‘यो बैंकिङ कसुर, चोरी, किर्ते र ठगी हो,’ कञ्चनले भनिन्, ‘प्रहरीको फरेन्सिक ल्याबमा हस्ताक्षर, मसीको उमेर, अक्षर र मिति जाँच गर्दा सबै कुरा वैज्ञानिक रूपमा पत्ता लाग्छ। ठगी र किर्तेमा संलग्न कोही पनि जोगिन सक्दैनन्।’

अनुप घर्ती जिसीको भने सपरिवार नैं मिटरब्याज, ढुकुटी र अवैध सुनका गरगहना राखी चर्को मिटरब्याजमा कारोबार गर्ने धन्दामा संलग्न छन् । (तस्विरमा मिठुकुमारी घर्ति जिसी, झपटबहादुर घर्ति जिसी र अनुप घर्ति जिसी) । फाईल तस्विर

जिल्ला प्रहरी कार्यालय कास्कीले उक्त जाहेरीको आधारमा अनुसन्धान अघि बढाएको छ। किर्ते हस्ताक्षर गरी चोरिएको चेक लिएका राजु सुनारलाई प्रहरीले सोधपुछ र छानबिन गरिरहेको छ। अनुप घर्ती जिसीको भने सपरिवार नैं मिटरब्याज, ढुकुटी र अवैध सुनका गरगहना राखी चर्को मिटरब्याजमा कारोबार गर्ने धन्दामा संलग्न छन् ।

सुनारले केही वर्षअघि पोखरा–५, पस्र्याङमा सुन पसल चलाएपनि चोरीका सुन किन्ने, अवैध कारोबार गर्ने र सुन राखेर मिटरब्याजमा कारोबार गर्ने गिरोहसँग संलग्न भएपछि उनको व्यवसाय पनि बन्द भईसकेको छ ।  पोखरा–७, मासबारमा माधवप्रसाद बरालको घरमा डेरा गरी बस्ने शंकर श्रेष्ठको कोठाबाट चोरी भएका सुनका गरगहना यिनै सुनारले किनबेच गर्दा जेल सजाय भोगेका थिए । यो विषयमा थप जानकारी लिन सम्पर्क गर्न खोज्दा घर्ती र सुनार दुबैसँग सम्पर्क हुन सकेन ।

लागूऔषध तथा रक्सी अत्याधिक सेवन गरेर पटक–पटक हिंसा र ज्यान मार्ने कोसिस गरिरहेको यो परिवारले पछिल्लो समय जिल्ला अदालत कास्कीमा चलेको अंश मुद्दालाई समेत असफल तुल्याउन विभिन्न व्यक्तिका नाममा किर्ते गर्दै चेक बाँड्ने काम गरिरहेका छन् । भर्खरैं मात्र पोखराको सभागृहचोकमा घटेको घटनालाई हेर्दै यसतर्फ समय छँदैं प्रहरी प्रशासनले सही कदम नचाल्ने हो भने यस्तैं विवाद र घटनाहरुबाट अनाहकमा निर्दोष व्यक्तिले आफ्नो प्राण गुमाउनु पर्ने अवस्था नआउँला भन्न सकिन्न ।