अवैध सुनचाँदी, विदेशी मुद्रा कारोबार र तस्करीविरुद्ध नेपाल प्रहरीको सफल अप्रेशन

पोखरा, २५ साउन । पर्यटकीय नगरी पोखरामा नेपाल प्रहरीले अवैध सुनचाँदी, विदेशी मुद्रा कारोबार र तस्करीविरुद्धको लडाइँमा ठूलो सफलता हासिल गरेको छ।

जिल्ला प्रहरी कार्यालय कास्की, गण्डकी प्रदेश प्रहरी कार्यालय, पोखरा र वडा प्रहरी कार्यालय बैदामसहित मातहतका प्रहरी टोलीको सक्रियतामा शुक्रबार राति गरिएको ‘अपरेसन एल्लो मेटल’बाट ११ करोड रुपैयाँ बराबरको साढे ६ किलो सुनका अवैध गरगरहनासहित ११ जना भारतीय नागरिकहरु पक्राउ परेका छन् ।

यसअघि अवैध डलर–युरो कारोबार र सुन तस्करीको ठूलो जालो भत्काउन प्रहरी सफल भएको छ । यी घटनाहरूले कास्की प्रहरीको सक्रियता र अपराध नियन्त्रणको क्षमतालाई उजागर गरेको छ।

पोखरामा ११ करोड रुपैयाँ बराबरको ६ किलो ४ सय ग्राम अवैध सुनका गहनासहित ११ जना भारतीय नागरिकहरु शुक्रबार राति पक्राउ परेका हुन् । पक्राउ पर्नेहरु पोखराका विभिन्न स्थानमा सुनचाँदीको काम गर्ने कालीगढ तथा व्यवसायी रहेको प्रहरीले जनाएको छ । उनीहरुबाट बरामद गरिएको सुन, चाँदी र नगदको कुल मूल्य करिब ११ करोड रुपैयाँ रहेको कास्की प्रहरीले बताएको छ ।

शुक्रबार पोखराका वडा २, ३, ४ र ९ मा खटिएको प्रहरी टोलीले राति ११ जना भारतीय नागरिकलाई अवैध सुनचाँदीसहित पक्राउ गर्न सफल भएको हो ।

प्रहरीका अनुसार, पोखराका विभिन्न वडामा अवैध सुनचाँदीको कारोबार भइरहेको सूचनाको आधारमा ‘अपरेसन एल्लो मेटल’ नामक अनुसन्धान अभियान सुरु गरिएको थियो । यसका लागि गण्डकी प्रदेश प्रहरी कार्यालयको सहयोगमा कास्की प्रहरी र मातहतका कार्यालयबाट संयुक्त टोली परिचालन गरिएको थियो । शुक्रबार पोखराका वडा २, ३, ४ र ९ मा खटिएको प्रहरी टोलीले राति ११ जना भारतीय नागरिकलाई अवैध सुनचाँदीसहित पक्राउ गर्न सफल भएको हो ।

शनिबार आयोजित पत्रकार सम्मेलनमा कास्की प्रहरीले बरामद गरिएको ६ किलो ४ सय ग्राम (५४९ तोला ४० लाल) सुन, ४ सय ४४ तोला ७३ लाल चाँदी र ५ लाख १४ हजार रुपैयाँ नगद सार्वजनिक गरेको छ ।

कास्की प्रहरी प्रमुख प्रहरी उपरीक्षक श्यामबाबु ओलियाले अवैध सुनचाँदीको कारोबार भइरहेको सूचनापछि शुक्रबार राति नैं सम्भावित त्यस्ता सबैं ठाउँहरुमा एकैंपटक प्रहरी टोली परिचालन गरी विशेष अपरेसन सञ्चालन गरिएको बताए ।

उनले पक्राउ परेकाहरुले आफूलाई कालीगढ मात्र भएको दाबी गरे पनि उनीहरु व्यवसाय र कालीगढ दुवै रहेको प्रहरी अनुसन्धानबाट पुष्टि भएको जानकारी दिए । पक्राउ परेकाहरुलाई थप अनुसन्धान र कारबाहीका लागि बुटवलस्थित राजस्व अनुसन्धान कार्यालय पठाउने तयारी भइरहेको प्रहरीले जनाएको छ ।
पक्राउ पर्नेमा भारतको महाराष्ट्र घर भई पोखरा–२, मोहरिया टोल बस्ने ४१ वर्षीय राजेन्द्र रामचन्द्र जगताप र कलकत्ताका ४५ वर्षीय मनिक लाल आदक छन् । मनिक २० वर्षदेखि मोहरिया टोलमा सुनचाँदीको कालीगढी काम गर्दै आएका थिए । त्यस्तै, पश्चिम बंगालका ३५ वर्षीय सन्दीप ढाव, जो १५ वर्षदेखि कालीगढी गर्दै पोखरा–१, विन्ध्यवासिनीमा ६ वर्षदेखि बस्दै आएका थिए, पनि पक्राउ परेका छन् ।

पश्चिम बंगालकै ४१ वर्षीय सोमनाथ पाल, जो १६ वर्षदेखि मोहरिया टोलमा सुनचाँदीको डिजाइन बनाउँदै आएका थिए, र ४७ वर्षीय दीपक सामन्त, जो २० वर्षदेखि पोखरा–४, तेर्सापट्टीमा सुनचाँदीको काम गर्दै आएका थिए, पनि पक्राउ परेका छन् । यस्तै, पश्चिम बंगालकै ४७ वर्षीय गोविन्दा दिण्डा, जो १८ वर्षदेखि पोखरा–३ मा सुनचाँदीको काम गर्दै आएका थिए, पनि प्रहरीको फन्दामा परेका छन् ।

कलकत्ताका ३५ वर्षीय असित वर, जो पोखरा–९, चिप्लेढुंगामा बस्दै आएका थिए, र ४४ वर्षीय तापस सामन्त, जो २४ वर्षदेखि मोहरिया टोलमा सुनचाँदीको काम गर्दै आएका थिए, पनि पक्राउ परेका छन् । त्यस्तै, कलकत्ताका ३८ वर्षीय उज्ज्वल भोमिक, भारतको पुनेकी ४० वर्षीय सुनिता पवार र ४९ वर्षीय प्रोभास माझी पनि पक्राउ परेका छन् । उज्ज्वल भैरवटोलमा कालीगढको काम गर्थे, सुनिता सभागृहमा सुनचाँदीको काम गर्थिन् भने माझी मोहरिया टोलमा सुनचाँदीको काममा संलग्न थिए ।

प्रहरीका अनुसार सबैभन्दा बढी सुन गोविन्दा दिण्डाबाट २ सय १० तोला ८९ लाल, प्रोभास माझीबाट ८८ तोला र असित वरबाट ८६ तोला बरामद भएको छ । पोखरामा ६ किलो ४ सय ग्राम अवैध सुनका गहनासहित ११ जना भारतीय नागरिक पक्राउ परेका छन् । पक्राउ पर्नेहरु पोखराका विभिन्न स्थानमा सुनचाँदीको काम गर्ने कालीगढ तथा व्यवसायी रहेको प्रहरीले जनाएको छ । उनीहरुबाट बरामद गरिएको सुन, चाँदी र नगदको कुल मूल्य करिब ११ करोड रुपैयाँ रहेको कास्की प्रहरीले बताएको छ ।

प्रहरीका अनुसार, पोखराका विभिन्न वडामा अवैध सुनचाँदीको कारोबार भइरहेको सूचनाको आधारमा ‘अपरेसन एल्लो मेटल’ नामक अनुसन्धान अभियान सुरु गरिएको थियो । यसका लागि गण्डकी प्रदेश प्रहरी कार्यालयको सहयोगमा कास्की प्रहरी र मातहतका कार्यालयबाट संयुक्त टोली परिचालन गरिएको थियो । शुक्रबार पोखराका वडा २, ३, ४ र ९ मा खटिएको प्रहरी टोलीले राति ११ जना भारतीय नागरिकलाई अवैध सुनचाँदीसहित पक्राउ गर्न सफल भएको हो ।

डेढ करोडको सुन तस्करीमा दुई पक्राउ
यसअघि २०८२ असार ८ गते कास्की प्रहरीले अर्को ठूलो सफलता हासिल गरेको थियो। भारतको पञ्जाबबाट नेपालसम्म तस्करी गरिएको ८२ तोला १६ लाल सुनसहित दुई जनालाई पक्राउ गरिएको थियो। पक्राउ पर्नेमा भारत, पञ्जाब, अमृतसरका कुलदीप सिंह (४९) र रुपन्देही, तिलोत्तमाका रामबहादुर बिक (४७) थिए। उनीहरूलाई पोखराको पुम्दीभुम्दीबाट बुटवलतर्फ जाँदै गरेको माइक्रोबसबाट विशेष सूचनाका आधारमा नियन्त्रणमा लिइएको थियो।

कास्की प्रहरीले बरामद गरेको अवैध रुपमा बेच्न ल्याईएको ८२ तोला १६ लाल सुन ।

बरामद गरिएको सुनका गरगहनाहरूमा सिक्री, औंठी, झुम्का, जुली, लकेट, मंगलसूत्र र पोते थिए, जसको बजार मूल्य १ करोड ३० लाख ४१ हजार ८ रुपैयाँ रहेको प्रहरीको दाबी छ।

अवैध सुनसहित पक्राउ परेका भारतीय नागरिक कुलदीप सिंह र रुपन्देहीका रामबहादुर बिक ।

अवैध डलर–युरो कारोबारको जालो भत्कायो कास्की प्रहरीले
त्यस्तै, २०८२ साउन ११ गते कास्की प्रहरीले मनी चेन्जर र रेस्टुरेन्टको आडमा सञ्चालित अवैध विदेशी मुद्रा कारोबारको ठूलो जालो भत्काएको थियो। गण्डकी प्रदेश प्रहरी कार्यालय र कास्की प्रहरीको विशेष टोलीले गरेको अपरेसनमा १९ हजार ६ सय अमेरिकी डलर, ३ हजार २ सय युरो र ४३ लाख ७३ हजार ७ सय नेपाली रुपैयाँ बरामद भएको थियो।

पक्राउ पर्नेमा झापा, दमकका राजकुमार बुढाथोकी (४५), जो लेकसाइडमा हिलारी मनी चेन्जर सञ्चालन गर्छन्, पोखराका खेमराज पौडेल (४३), सगरमाथा मनी चेन्जरका सञ्चालक, र रुपन्देहीका महुमुद्धिन एम अहमद (४५), जो रेस्टुरेन्ट व्यवसायमा संलग्न थिए, रहेका छन्। यी तीनै जनाले मिलेर अवैध रूपमा डलर र युरोको कालोबजारी गरिरहेको प्रहरीको अनुसन्धानबाट खुलासा भएको थियो।
कास्की प्रहरी प्रमुख एसपी श्यामबाबु ओलियाले यी अपरेसनहरूले पोखरामा अवैध कारोबार र तस्करीविरुद्ध प्रहरीको कठोर नीतिलाई प्रस्ट्याएको बताए। “हामीले प्राप्त सूचनालाई गम्भीरतापूर्वक लिएर संयुक्त टोलीमार्फत यस्ता अपराध नियन्त्रणमा कदम चालेका छौं। यस्ता गतिविधि रोक्न हाम्रो प्रयास निरन्तर रहनेछ,” उनले भने।

यी सनसनीपूर्ण घटनाहरूले कास्की प्रहरीको सक्रियता र अपराध नियन्त्रणको क्षमतालाई उजागर गरेको छ। अवैध सुनचाँदी, विदेशी मुद्रा कारोबार र तस्करीविरुद्धको यो अभियानले पोखरालाई सुरक्षित र अपराधमुक्त बनाउन महत्वपूर्ण योगदान पुर्‍याएको छ।