नेपालमा आएका अधिकांश इण्डियन विहारीहरु यस्तैं प्रकारको चोरी र ठगीमा संलग्न हुने गरेको पाईएको छ ।

पोखरा, २७ जेठ । महँगा भाँडा र तामाका तारहरु चोरी गरेको आरोपमा जिल्ला प्रहरी कार्यालय कास्कीले तीनजना भारतीय नागरिकसहित चारजनालाई पक्राउ गरेको छ । नेपालमा आएका अधिकांश इण्डियन विहारीहरु यस्तैं प्रकारको चोरी र ठगीमा संलग्न हुने गरेको पाईएको छ ।

जसमा भारत बिहार, मोतिहारी स्थायी घर भई हाल पोखरा–१२ डिगालेथर बस्ने २२ वर्षीय मनोज कुमार सिंह र २७ वर्षीय करन कुमार शाह, भारत विहार स्थायी घर भई हाल पोखरा–८, पृथ्वीचोक बस्ने ४२ वर्षीय मुकेश कुमार र धादिङको खनियाबास गाउँपालिका–२ स्थायी घर भई हाल पोखरा–५, जिरोकिमी बस्ने ३१ वर्षीय श्यामबहादुर तामाङ रहेका जिल्ला प्रहरी कार्यालय कास्कीका प्रवक्ता डीएसपी हरिबहादुर बस्नेतले जानकारी दिए ।

पक्राउ परेका चारजना विरुद्ध चोरी तथा डाँका सम्बन्धी कसुरमा जिल्ला अदालत कास्कीबाट ७ दिनको म्याद लिएर अनुसन्धान अघि बढाइएको डीएसपी बस्नेतले बताए ।

प्रहरीका अनुसार जेठ ८ गते पोखरा–१४, छिनडाँडामा रहेको नेपाल टेलिकमको तामाको तार (कपर केबल) र अन्य घरायसी सामानहरु पटक–पटक चोरी भईरहे पछि नेपाल टेलिकमले प्रहरीमा उजुरी गरेको थियो । उजुरी परेपछि जिल्ला प्रहरी कार्यालय कास्की र मातहतको वडा प्रहरी कार्यालय रामबजारको टोलीले अनुसन्धान तथा खोजतलास गर्दा यो गिरोहको संलग्नता रहेको भेटिएको हो ।

प्रहरीले पोखरा–८, पृथ्वीचोकमा मुकेश कुमारले सञ्चालन गरेको कवाड खानामा जेठ २३ गते प्रहरी टोलीले खानतलासी गर्दा विभिन्न महँगा भाडाकुँडाहरु कुच्चाई फुटाई राखिएको र टेलिकमको तार बाहिरको प्लाष्टिकको कभर पोली (डडाई) तामाको भाग मात्र बेच्नको लागि तयारी अवस्थामा राखिएको भेट्टिएको थियो ।

उनीहरुको कारखानबाट प्रहरीले ८२ किलो तामाको तार, साढे २ किलो आल्मुनियम, पित्तलका धाराका टुटी ५१ थान (१६ किलो), पित्तलको सकेट ९७ वटा (१८ किलो), पित्तलको गेटबल १०५ वटा (८५ किलो), नक्कली गरगहना २१ किलो, तामाका कलश १० थान, चरेश कचौरा ३ थान, चरेश दियो बाल्ने पाला ३ थान, चरेश कलश १ थान, तामाको पानी पिउने फिल्टर १ थान र तामाको तार साढे १ किलो बरामद भएको छ ।