पोखरा, २६ जेठ । पोखरा वडा नं. १५ स्थित वन विज्ञान क्याम्पसको पछाडि र भ्यू प्वाईन्ट स्कुलको अगाडिको अमिन तारा जाने बाटोमा एक युवाको शव भेटिएको छ । शवको अझैसम्म पनि सनाखत हुन सकेको छैन ।

जिल्ला प्रहरी कार्यालय कास्कीका प्रवक्ता डीएसपी हरिबहादुर बस्नेतले हत्या गरिएका युवाको बारेमा अहिलेसम्म केही पनि थप जानकारीहरु प्राप्त नभएको बताए । उनले भने–‘हत्या कसले गर्यो, कसरी भयो र कति बेला भयो ? भन्ने विषयमा अनुसन्धान जारी छ । अहिलेसम्म युवाको पहिचान खुल्न सकेको छैन । बाँकी तथ्यहरु अनुसन्धानका क्रममा अवश्य खुल्नेछ ।’

युवाको साथमा परिचय खुल्ने केही पनि वस्तुहरु नभेटिएकोले प्रहरीले नजिकैका सिसिक्यामेरा फुटेजहरुको अनुसन्धान पनि सुरु गरिसकेको छ । स्थानीयका अनुसार विहानीपख घन प्रहार गरेर युवाको हत्या भएको बताएका छन् । यस विषयमा भने प्रहरीले केही पनि प्रतिक्रिया दिएको छैन ।