पोखरा, २ कार्तिक । जिल्ला अदालत कास्कीले सहकारी ठगी तथा संगठित अपराधमा संलग्न पूर्वडिआईजी छविलाल जोशीलाई थप पाँच दिनको म्याद थप गरेको छ । दशैं विदाका कारण १५ दिनसम्म म्याद थप हुन नसकेको अवस्थामा शुक्रबार २० दिनको म्याद थप गरी अझैं ५ दिन हिरासतमा राखेर पूर्वडिआईजी जोशीमाथि प्रहरीले अनुसन्धान गर्नेछ ।

सहकारीको रकम अपचलन र संगठित अपराधमा संलग्न भएको आरोपमा असोज ६ गते काठमाडौंबाट पक्राउ परेका गोर्खा मिडिया प्रालिका पूर्वसञ्चालक जोशीले बयानका क्रममा आफूलाई मात्र नभई नैं पूर्वगृहमन्त्री रवि लामिछानेलाई समेत पक्राउ गर्नुपर्ने बयान दिएका थिए ।

दशैं विदा परेका कारण अदालत बन्द हुँदा कार्तिक १७ गतेदेखि नै उनको म्याद थप हुन सकेको थिएन ।  गत असोज ६ मा पक्राउ परेका उनीविरुद्ध यसअघि पनि अदालतले पहिलो पटक ५ दिन र दोस्रो पटक ७ दिन म्याद थप गरेको थियो ।

सहकारी ठगीका कुख्यात पात्र जीवी राईको समूहमा आवद्ध रहेका उनको समूहले देशभरका विभिन्न पाँचवटा सहकारी पोखराको सूर्यदर्शन, चितवनको साहारा, बुटवलको सुप्रिम र काठमाडौंको स्वर्णलक्ष्मी सहकारीबाट गोर्खा मिडियामा मात्र ६५ करोड ५४ लाख रुपैयाँ कानुन विपरित अपचलन गरेका थिए ।