डडेल्धुरा, ३० असोज । कञ्चनपुरको महेन्द्रनगरबाट बैतडीको पुर्चौडीका लागि हिजो छुटेको पवनदूत यातायातको ना ८ ख १०७८ नम्बरको बस डडेल्धुराको अमरगढी नगरपालिका–७ खसरेखानमा करिब १२ः३० बजे राति दुर्घटना हुँदा बसमा सवार पाँच जनाको मृत्यु भएको छ । उक्त बस दुर्घटना हुँदा घाइते भएका बस चालक वीरेन्द्र बोहरासहित १२ जनालाई उपचारका लागि धनगढी पठाइएको जिल्ला प्रहरी कार्यालय डडेल्धुराले जनाएको छ । तस्बिरः धनबहादुर भण्डारी/रासस