पोखरा, २६ असार । पहिरोले घर पुरिँदा पोखरा–२७ सहेलापाटामा २२ वर्षीय भीमबहादुर थापाको मृत्यु भएको छ । राति अन्दाजी ४ बजेको समयमा सहेलापाटामा मनबहादुर थापाको ब्लकले बनाएको जस्ताले छाएको १ तले घरमा माथिबाट आएको पहिरोले कोठा पुर्दा उनका छोरा भीमबहादुरको मृत्यु भएको हो ।

जिल्ला प्रहरी कार्यालय कास्कीका सूचना अधिकारी एवम् डिएसपी बसन्तकुमार शर्माका अनुसार पहिरोका कारण छोरा भीमबहादुरको मृत्यु भएको थियो भने ५० वर्षीय आमा कमला थापालाई सकुसल उद्धार गरिएको छ । पहिरोले घर पुरिएको सूचना प्राप्त हुनासाथ सशस्त्र प्रहरी बल नेपाल २४ नं. गण कालिका गण मालेपाटनबाट टोली खटिएर उद्धारमा संलग्न रहेको थियो ।