पोखरा, १३ वैशाख । वडा प्रहरी कार्यालय बैदामले अटोमेटिक पेस्तोलसहित आज बिहीबार राजु न्याकेट भनिने नरबहादुर विकलाई पक्राउ गरेको छ । पोखरा–१८ जामुनबोट बस्ने ३८ वर्षीय विकको साथबाट प्रहरीले लुकाई छिपाई राखेको अवस्थामा पेस्तोल र १ राउण्ड गोलीसहित पक्राउ गरेको हो ।

विशेष सूचनाको आधारमा पोखरा वडा नं. २४ बाँस्कोटबाट नाईन एमएम अटो पेस्तोल, त्यसमा लाग्ने गोली, नगद १६ हजार र बा.प्र.०२–०३३ प १६३३ नम्बरको मोटरसाईकलसहित प्रहरीले पक्राउ गरेको थियो ।