पोखरा, ११ वैशाख । बस र स्कुटर एकापसमा ठोक्किँदा घाईते भएकी १९ वर्षीय खुशी प्रधानको उपचारको क्रममा मृत्यु भएको छ । स्कुटर पछाडि बसेकी पोखरा–१४ खसीबजारकी प्रधानको पश्चिम क्षेत्रीय अस्पतालमा उपचारका क्रममा मृत्यु भएको जिल्ला प्रहरी कार्यालय कास्कीले जानकारी दिएको छ ।

पोखरा–१४ चाउथेस्थित पोखरा अन्तर्राष्ट्रिय विमानस्थल अगाडि पोखराबाट काठमाडौंतर्फ जाँदैं गरेको बा१प १३३८ नम्बरको बससँग सोही दिशा तर्फ जाँदैं गरेको ग२४प ३२९५ नम्बरको स्कुटर मंगलबार हिजो राती ८ बजे ठोक्किएको थियो ।

पोखरा–८, सिमलचौर बस्ने २१ वर्षीय दिपिका गुरुङले स्कुटर चलाएकी थिईन् भने सिन्धुपाल्चोक जिल्ला चौतारा नगरपालिका वडा नं. १३ बस्ने ३९ वर्षीय विष्णु श्रेष्ठले बस हाँकेका थिए । बस चालक श्रेष्ठलाई जिल्ला प्रहरी कार्यालय कास्कीमा र सवारी साधनलाई वडा प्रहरी कार्यालय रामबजारमा राखिएको कास्की प्रहरीका सूचना अधिकारी बसन्तकुमार शर्माले जानकारी दिएका छन् ।