पोखरा, १९ फागुन । लेकसाईडबाट आउँदैं गरेको बुलेट बाईक पोखरा–७, बुलौंदीको सडकमा राखिएको डिभाइरमा ठोक्किँदा दुईजनाको मृत्यु भएको छ ।

बिहान पौने ४ बजेतिर बुलौदीको ओरालोमा बा प्र ०२–०३४प५६२१ नम्बरको बुलेट मोटरसाइकल सडक डिभाइडरमा ठोक्किएको थियो । हल्लनचोकबाट जिरो किमीतर्फ जाँदै गरेको मोटरसाइकल दुर्घटनामा गम्भीर घाइते चालक र पछाडि सवार दुवैको उपचारका क्रममा निधन भएको वडा प्रहरी कार्यालय बैदामका प्रमुख प्रहरी नायब उपरीक्षक राजेन्द्र श्रेष्ठले जानकारी दिए ।

दुवैको टाउकोमा गम्भीर चोट लागेकोमा उपचारका क्रममा निधन भएको हो । कैलालीको सोरहनपुर गाउँपालिका वडा नम्बर ३ घर भएका वर्ष २८ का महेश आचार्यलाई सवा ४ बजे र सोही ठाउँ घर भएका ३० वर्षीय शैलेन्द्रकुमार उपाध्यायलाई पौने ५ बजे चिकित्सकले मृत घोषणा गरेका थिए । उनिहरुको शव क्षेत्रीय अस्पतालमै राखिएको छ ।

लेकसाईडमा रमाईलो गरेर फर्किने क्रममा मादकपदार्थ सेवन गरेर सवारी हाँक्दा सोही ठाउँमा धेरै नै दुर्घटनाहरु हुँदैं आईरहेका छन् ।