पोखरा, १० माघ । मेथलाङबाट बागलुङ बसपार्कतर्फ आउँदैं गरेको जीप आज बुधबार विहान दुर्घटना हुँदा चालकको मृत्यु भएको छ भने दुईजना वृद्धा घाईते भएका छन् । आज विहान ९ बजेर १५ मिनेट जाँदा जीप सडकको दायाँतर्फ अन्दाजी २० मिटर तल खस्न पुगेको थियो ।

ग ३ च २६०३ नम्बरको दुध बोक्ने सिङ्गल क्याप बोलेरो जीप दुर्घटना हुँदा चालक पोखरा–१८, ग्यारजाती बस्ने ४९ वर्षीय कृष्णबहादुर थापाको उपचारका क्रममा मृत्यु भएको हो । जीपमा सवार सोही ठाउँ बस्ने ६९ वर्षीया हिमकला थापा र ७० वर्षीया चन्द्रकला थापा घाईते भएका छन् ।

दुर्घटनामा परी ज्यान गुमाउन पुगेका जीप चालक ४९ वर्षीय कृष्णबहादुर थापा

घाईते हिमकलाको टाउकोमा र चन्द्रकलाको ढाडमा चोट लागेको छ । घाईतेहरुको मणिपाल शिक्षण अस्पतालमा उपचार भईरहेको जिल्ला प्रहरी कार्यालय कास्कीले जानकारी दिएको छ । घटना लगत्तै वडा प्रहरी कार्यालय बगरबाट प्रहरी निरिक्षकको कमाण्डमा १३ जनाको टोली खटिएर घाईतेहरुको उद्धार गरेको थियो ।

स्थानीय रुद्र तिमिल्सिनाले भने–‘त्यहाँ यसअघि पनि ४/५ जना दुर्घटनामा परिसकेको हुँदा त्यस ठाउँमा भएको झुक्याउने खालको संरचनालाई हटाउन जरुरी छ । यसतर्फ जनप्रतिनिधि र सम्बन्धित निकायको समयमा नै ध्यान पुगोस् ।’

तस्विर सौजन्य: बलराम तिमिल्सिना