पोखरा, २० कार्तिक । जुवा खेलाउने धन्दामा सक्रिय यमबहादुर गुरुङ जुवाडेसहित पक्राउ परेका छन् । जिल्ला प्रहरी कार्यालय कास्कीले गुरुङले सञ्चालन गरेको जुवाखालबाट शनिबार नगदसहित ६ जनालाई पक्राउ गरेको छ ।

पोखरा–४ मानवअधिकार चोकस्थित यमबहादुरको प्रिन्सीका किराना पसलमा अवैध रुपमा जुवातास खेलिरहेको गोप्य सूचनाको आधारमा प्रहरीले छापा मारेको थियो । प्रहरीले जुवातास खेलिरहेको अवस्थामा ६ जना जुवाडेसँगैं ४६ हजार ९ सय ७५ रुपैयाँ र तास पनि बरामद गरेको छ ।

प्रहरीले पोखरा–१५ बस्ने ३२ बर्षीय यमबहादुर गुरुङ (सञ्चालक), पोखरा–१०, फुलबारीका ३५ बर्षीय भोजबहादुर गुरुङ, पोखरा–१०, रामबजारका ३२ बर्षीय गुमान गुरुङ, पोखरा–१, बगरका ४८ बर्षीय ज्योतिन्द्र बिक, पोखरा–१५, फलेपाटनका ५० बर्षीय बमबहादुर पुन र पोखरा–१७, घारीपाटनका ४० बर्षीय शान्ति गुरुङ रहेका छन् । पक्राउ परेका सबैलाई नियन्त्रणमा लिई जुवा सम्बन्धी मुद्दामा ७ दिनको म्याद थप गरी अनुसन्धान प्रकृया अगाडी बढाईएको जिल्ला प्रहरी कार्यालय कास्कीले पठाएको इमेलमा उल्लेख छ ।