काठमाडौं, ८ असार । छात्रामाथि यौन दुर्व्यवहार गरेको आरोपमा जिल्ला अदालत काठमाडौंले दुई शिक्षकलाई पुर्पक्षका लागि जेल चलानको आदेश दिएको छ । चाबहिलस्थित सेन्ट लरेन्स कलेजका एक शिक्षक र कोर्ष को–अर्डिनेटरलाई अदालतले जेल चलानको आदेश दिएको हो ।

कलेजमा अध्ययनरत केही छात्रालाई यौन दुर्व्यवहार गरेको भन्दै दुईजना शिक्षक विरुद्ध सेन्ट लरेन्स कलेजका विद्यार्थीले विरोध गर्दै कारवाहीको माग गरेका थिए । विद्यार्थीहरु आन्दोलित भएसँगै ती शिक्षकहरु विरुद्ध पीडितका अभिभावकले प्रहरी वृत्त गौशालामा किटानी जाहेरी दिएका थिए । सोही क्रममा शिक्षक राजनकुमार पौडेल र जनार्दन अधिकारीलाई प्रहरीले पक्राउ गरेको थियो ।

काठमाडौं कागेश्वरी मनोहरा नगरपालिका–७ का ५१ वर्षीय राजन कुमार पौडेल र कलेजका कोर्ष को–अर्डिनेटर काभ्रेपलाञ्चोकको भुम्लु गाउँपालिका–१ स्थायी ठेगाना भई हाल काठमाडौं कागेश्वरी मनोहरा नगपालिका–८ बस्ने वर्ष ४७ वर्षीय जनार्दन अधिकारीलाई अदालतले पुर्पक्षका लागि जेल चलानको आदेश दिएको हो ।