काठमाडौं, २ चैत । नक्कली भ्याटबिल बनाई राजश्व छली गर्ने तीनजना विरुद्ध उच्च अदालत पाटनमा मुद्दा दायर भएको छ । राजश्व अनुसन्धान विभागले राजश्व चुहावटसम्बन्धी मुद्दामा तीनजना विरुद्ध १६ करोडभन्दा बढी बिगो दावी गर्दै मुद्दा दायर गरेको छ । ।

राजश्व विभागले सौगात इन्टरनेशनल प्रोपाइटर दीपककुमार देउजा, खाता सञ्चालक मोहनप्रसाद भट्टराई र लेखा परीक्षक सुनिलमान शाक्य विरुद्ध उच्च अदालत पाटनमा मुद्दा दायर गरेको छ । विभागका अनुसार सौगात इन्टरनेसनलले राजस्व छली गर्ने उद्देश्यले नक्कली भ्याटबिल बनाई कारोबार गरेको थियो । विभागले उनीहरूविरुद्ध बिगो आठ करोड २१ लाख ७२ हजार ६ सय ४१ रुपैयाँ र बिगोको शतप्रतिशत जरिवाना गरी १६ करोड ४३ लाख ४५ हजार दुई सय ८२ रुपैयाँबराबरको मुद्दा दायर गरेको हो।