तनहुँ, २७ फागुन। नाबालिकालाई जबरजस्ती करणीको अभियोग लागेका अभिनेता पल शाहका म्यानेजर कृष्ण जोशीलाई प्रहरीले आज पक्राउ गरेको छ ।

शाह जोडिएको घटनामा मतियारको भूमिका खेलेको भन्दै तनहुुँ प्रहरीले जोशीलाई आज करिब २ बजे दमौलीबाट नियन्त्रणमा लिइएको प्रहरी नायब उपरीक्षक युवराज खड्काले जानकारी दिएका छन् ।

जिल्ला प्रहरी कार्यालय, तनहुँमा फागुन ११ गते एक नाबालिका गायिकाले शाहविरुद्ध किटानी जाहेरी दिएकी थिइन् । लगत्तै जिल्ला अदालत, तनहुँबाट पक्राउ पूर्जी लिएर प्रहरीले शाहको खोजी गर्दै गर्दा फरार भएका उनी फागुन १५ गते प्रहरीमा आत्मसमर्पण गरेका थिए । अनुसन्धान नसकिएको भन्दै गत फागुन २२ गते उनीविरुद्ध अदालतबाट १२ दिनको म्याद थप भएको छ ।