झापा, २६ फागुन । झापाको मेचीनगर नगरपालिका वडा नं. ५ मा साँझपख घाँस काट्न गएका एक वृद्धाको बुधबार हत्या भएको छ । साँझसम्म घर नआएपछि खोज्न जाँदा ६८ वर्षकी अम्बिका कुँवरको हत्या भएको अवस्थामा शव भेटिएको थियो । वृद्धाका श्रीमान्ले घरदेखि २०० मिटर पर शव भेटेपछि प्रहरीलाई खबर गरेका थिए ।

वृद्धाको हत्या आरोपमा प्रहरीले मेचीनगर नगरपालिका( ५ का २७ वर्षीय रणबहादुर बस्नेतलाई पक्राउ परेका गरेको छ । उनीहरुबीच पारिवारिक विवाद रहेको र त्यही विषयलाई लिएर हत्या भएको प्रारम्भिक अनुसन्धानबाट देखिएको जिल्ला प्रहरी कार्यालय झापाका डीएसपी बसन्त पाठकले जानकारी दिए ।

प्रहरीले संघीय इकाइ धरानबाट दुईवटा कुकुर ल्याएर अनुसन्धान गरिरहेको छ । कुकुरकै सहयोगमा ती युवकलाई पक्राउ गरिएको थियो ।