संखुवासभा, २६ फागुन । संखुवासभाको मादी नगरपालिका वडा नं. ६ सातघुम्तीमा बस दुर्घटना हुँदा कम्तिमा १० जनाको मृत्यु भएको प्रहरीले जनाएको छ । मृत्यु हुनेहरुको सनाखत र घटनाका विषयमा अझै जानकारी आउन नै बाँकी छ । प्रहरी र स्थानीयहरु मिलेर घटनास्थलमा उद्धारकार्य गरिरहेका छन् ।

दमकतर्फ जाँदै गरेको बा ४ ख ७३५ नम्बरको बस आज बिहान करिब साढे सात बजे तिर सातघुम्ती भन्ने स्थानमा दुर्घटना हुँदा सडकबाट करिब साढे ३ सय मिटर तल खस्न पुगेको जिल्ला प्रहरी कार्यालय संखुवासभाका डिएसपी लालध्वज सुवेदीले जानकारी दिएका छन् ।