काठमाडौं, २३ फागुन । भक्तपुरमा ६० वर्षीया महिलामाथि केमिकल प्रहार भएको छ । आफ्नै श्रीमान्ले ६० वर्षीया पूजा गुभाजुमाथि केमिकल प्रहार गरेका हुन् ।

जिल्ला प्रहरी कार्यालय, भक्तपुरका प्रमुख एसपी शिवकुमार श्रेष्ठका अनुसार सूर्यविनायक–४, दधिकोटका ६५ बर्षीय श्याम गुभाजुले आफ्नी ६० वर्षीया श्रीमती पूजामाथि हानिकारक रसायन केमिकल प्रहार गरेका हुन् । प्रहरीले श्रीमाान् गुभाजुलाई पक्राउ गरिसकेको छ । घाईते महिलालाई कीर्तिपुर अस्पतालमा उपचारका लागि भर्ना गरिएको छ ।

गुभाजुले प्रहार गरेको ‘रसायन’ के हो ? भन्ने विषयमा प्रहरीले परीक्षण शुरु गरिसकेको छ ।