News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

पोखरामा खाल्डो खन्दा र इनारमा डुबेर दुईजनाको मृत्यु

पोखरा, ९ कार्तिक । पोखरामा दुई छुट्टा–छुट्टै घटनामा परेर दुईजनाको मृत्यु भएको छ । आज पोखरा वडा नं. ११ काहुँडाडा लामिछाने थरस्थित निर्माणाधिन घरको जगको खाल्डोमा सोलिङ गर्ने क्रममा विहान १० बजे खाल्डोको भित्ता भत्किँदा घाईते भएका आईतीमाया थोकरको उपचारका क्रममा मृत्यु भएको छ ।

सिन्धुली ठुला गाउँ घर भई हाल पोखरा–११ फुलबारी डेरा गरी बस्ने ४१ बर्षीया आईतीमायाको उपचारका क्रममा मणिपाल शिक्षण अस्पतालमा मृत्यु भएको हो ।

त्यसैगरी पोखरा वडा नं. ३१ बेगनास बसपार्कस्थित पानीको ईनारमा परेर अन्दाजी २२ बर्षीय राजु लामिछाने मृत अवस्थामा भेटिएको गण्डकी प्रदेश प्रहरी कार्यालयले जारी गरेको विज्ञप्तिमा उल्लेख छ ।

कास्कीको अन्नपूर्ण गाउँपालिका वडा नं. ३ भदौरे देउराली बस्ने लामिछाने मृत अवस्थामा भेटिएपछि स्थानीयले प्रहरीलाई खबर गरेको प्रदेशका प्रहरी वरिष्ठ उपरीक्षक मोहनप्रसाद पोखरेलले जानकारी दिए ।