पोखरा । आफ्नै श्रीमानले सिलौटाको लोराले हान्दा ५५ वर्षीया श्रीमाया कामीको आज मंगलबार मृत्यु भएको छ । कास्की माछापुच्छ्रे गाउँपालिका वडा नं. २ बाझाखेत बस्ने ६५ बर्षीय श्रीराम कामीले मादक पदार्थ सेवन गरी कुटपिट गर्दै सिलौटाको लोराले हानेपछि श्रीमाया घाईते भएकी थिईन् ।

घाईते श्रीमायालाई उपचारका लागि पश्मिाञ्चल क्षेत्रीय अस्पताल पोखरामा ल्याईएको थियो । अस्पतालमा उपचारका क्रममा श्रीमायाको मृत्यु भएपछि प्रहरीले श्रीमान श्रीरामलाई पक्राउ गरी थप अनुसन्धान गरिरहेको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक नरबहादुर केसीले जारी गरेको विज्ञप्तिमा उल्लेख छ ।