पोखरा । पोखरामा आफ्नै छात्रामाथि यौन दुर्व्यवहार गरेको आरोपमा प्रधानाध्यापक पक्राउ परेका छन् । गत २३ गते जिल्ला प्रहरी कार्यालय कास्कीले बाल यौन दुराचारको आरोपमा पोखरा–२२ स्थित ओखलेडाँडा भुम्दिकोट माविका प्रधानाध्यापक विश्वराज बास्तोलालाई पक्राउ गरी ७ दिनको म्याद थप गरेको छ ।

जिल्ला प्रहरी कार्यालय कास्कीका प्रवक्ता एवं डीएसपी सुवास हमालका अनुसार बुधबार पीडित छात्राका परिवारजनले उजुरी दिएपछि ३३ वर्षीय प्रधानाध्यापक बास्तोलालाई बाल यौन दुराचारको आरोपमा पक्राउ गरिएको छ ।

१५ वर्षीय छात्रामाथि यौन दुर्व्यवहार गर्दै आईरहेको प्रधानाध्यापक बास्तोलालाई मंगलबार छात्राका अभिभावकले कुटपिट गर्दा गण्डकी मेडिकल कलेज पोखरामा ल्याएर उपचार गर्नु परेको थियो । ती प्रधानाध्यापकले छात्रालाई अरु विद्यार्थी नभएको मौका पारेर यौन दुव्र्यवहार गर्ने, फेसबुक म्यासेन्जरमा अश्लिल म्यासेजहरु पठाउने र घुम्न जानका लागि प्रस्तावहरु राखिरहने गर्दा मानसिक तनावमा गुज्रिएकी छात्राका बारेमा परिवारले थाहा पाएपछि प्रधानाध्यापक कुटिएका हुन् ।

यस अघि पोखरा कैं राष्ट्रिय मावि टुँडिखेलमा एक छात्रालाई परीक्षा दिने भन्दै होटलमा पु¥याएर जबरजस्ती करणी गरेको आरोपमा त्यहीँका शिक्षक शिशिर कुमार वस्ताकोटी कास्की कारगार चलान भएका छन् । सोही घटनामा प्रहरीले प्रधानाध्यापक सुर्य तिवारी र अर्का शिक्षक घनश्याम रेग्मीलाई पक्राउ गरेको थियो । पक्राउ परेका ३ जना मध्ये प्रधानाध्यापकलाई अदालतले निर्दोष सावित गरेपनि शिक्षक रेग्मीलाई धरौंटीमा रिहा गरेको थियो । यस घटनामा विद्यालय र परीक्षाको प्रमुखको जिम्मेवारीको हिसाबले प्रधानाध्यापकको लापरवाही भने प्रष्टै देखिन्छ ।