बैतडी । जीप दुर्घटनामा परी बैतडीमा पाँचजनाको मृत्यु भएको छ । पञ्चेश्वर गाउँपालिका वडा नं. ६ गणमेश्वरस्थित सडकबाट जीप पाँचसय मिटर तल खस्दा दुर्घटनामा परेर पाँचजनाको मृत्यु र पाँचजना घाईते भएका छन् । घाइते भएकाहरुलाई जिल्ला अस्पताल बैतडीमा उपचार भईरहेको प्रहरीले जानकारी दिएको छ ।

से १ ज १८३ नम्बरको जिप दुर्घटना हुँदा यसमा सवार पञ्चेश्वर गाउँपालिका–६ रोडिदेवल बस्ने ३० वर्षीय डम्मर सिंह भण्डारी, ५० वर्षीय जित सिंह भण्डारी, ४० वर्षीय दिपक सिंह भण्डारी, २७ वर्षीय हिक्मत सिंह भण्डारी र दशरथचन्द नगरपालिका–४ बस्ने जिप चालक ४५ वर्षीय तेज बहादुर बोहराको मृत्यु भएको थियो ।