लमजुङ । आफन्तलाई घरभित्र थुनी बाहिरबाट घरमा आगो लगाएको आरोपमा रोहनराज धिताललाई लमजुङ प्रहरीले पक्राउ गरेको छ । रोहनराजले आफ्नै दाइ भाउजु र घरका अन्य सदस्यहरुलाई सुतिरहेको अवस्थामा राती घर बाहिरबाट चुक्कुल लगाई आगो लगाएको आरोप लागेको छ ।

लमजुङ दुधपोखरी गाउँपालिका वडा नं. १ कुश्वारा बस्ने वर्ष ३१ का धितालले गत वैशाख ९ गते आफ्नै दाइ महेश्वर, भाउजु लगायत ४ जना घरपरिवारका सदस्यहरु सुतिरहेको अवस्थामा घरको ढोका बाहिरबाट चुक्कुल लगाई आगो लगाएर फरार भएको आरोपमा प्रहरीले वैशाख १२ गते पक्राउ गरेको हो ।

आपराधिक उपद्रव र ज्यान मार्ने उद्योग तर्फ जिल्ला अदालत लमजुङबाट म्याद थप गरी प्रहरीले अनुसन्धान शुरु गरिरहेको छ आगलागीबाट महेश्वर धितालको घर पूर्णरुपमा जलेको, लत्ताकपडा, अन्नपात, भाडावर्तन, नगद र सुन लगायतका सम्पूर्ण धनमालहरुमा क्षति पुगेको प्रहरीले जानकारी दिएको छ ।