पोखरा, २१ असोज । जेन–जीको आन्दोलन पश्चात् जिल्ला प्रहरी कार्यालय कास्कीले मुख्यमन्त्रीको निवासमा आगजनी गरी फरार भएको अभियुक्तलाई नियन्त्रणमा लिएको छ। भदौं २३ र २४ गतेका आन्दोलन तथा तोडफोडका घटनापछि पुनः असोज १२ गते राति पोखरा–६ सहिदचोकस्थित मुख्यमन्त्रीको निवासमा आगजनी गरी फरार भएको सूचनाका आधारमा प्रहरीले अनुसन्धान गरेको हो।

जिल्ला प्रहरी कार्यालय कास्की र मातहत वडा प्रहरी कार्यालय बैदामबाट खटिएको टोलीले जिल्ला रुपन्देही तिलोत्तमा नगरपालिका वडा नं. ४ घर भएका र हाल पोखरा-७, राष्ट्र बैंक चोक बस्ने २२ वर्षीय संजोक थापालाई नियन्त्रणमा लिएको छ। थापालाई थप अनुसन्धानका लागि राखिएको प्रहरीले जनाएको छ।

अनुसन्धानका क्रममा थापाले नेपाल राष्ट्र बैंकको कम्पाउन्ड सडक छेउमा रहेको लक्ष्मी बैंक लिमिटेडको एटीएम मेसिनको स्क्रिनमा ढुङ्गा प्रहार गरी तोडफोड गरेको र क्षति पु¥याएको खुलेको छ। यस घटनासँग सम्बन्धित थप अनुसन्धान भइरहेको जिल्ला प्रहरी कार्यालय कास्कीले विज्ञप्तिमा उल्लेख गरेको छ।