स्याङ्जा, ६ असार । जिल्ला प्रहरी कार्यालय स्याङ्जाले जबरजस्ती करणी गरेको आरोपमा २७ वर्षीय सूर्य मिजारलाई बिहीबार पक्राउ गरेको छ । बलात्कार गरी फरार रहेका मिजारलाई लुकिछिपी बसेको स्थानबाटै प्रहरीले भोलिपल्ट नैं पक्राउ गर्न सफल भएको हो ।

४० वर्षीय महिलालाई घरमा बसिरहेको अवस्थामा बुधबार दिउँसो साढे दुई बजेको समयमा स्याङ्जा फेदिखोला गाउँपालिका वडा नं. ३ कराम्दी बस्ने मिजारले बलात्कार गरेको पीडितको जाहेरीका आधारमा प्रहरीले पक्राउ गरेको हो ।

घटना लगत्तैं लुकिछिपी हिडेका सूर्यलाई हिजो बिहीबार फेदिखोला गाउँपालिकाको आरुखर्कबाट प्रहरीले नियन्त्रणमा लिएको थियो । उनलाइ जिल्ला अदालत स्याङ्जाबाट जबरजस्ती करणीको कसुरमा ७ दिनको म्याद थप गरी अनुसन्धान भईरहेको जिप्रका स्याङ्जाका प्रवक्ता प्रहरी नायव उपरीक्षक प्रसन्नराज चौधरीले जानकारी दिएका छन् ।