पोखरा, ५ मंसिर । लागूऔषधसहित पोखरा–२९ भण्डारढिकका २६ वर्षीय कपिल घिमिरे पक्राउ परेका छन् । जिल्ला प्रहरी कार्यालय कास्की र ईलाका प्रहरी कार्यालय शिसुवा कास्कीबाट खटिएको टोलीले घिमिरेलाई भण्डारढिकस्थित नयाँवस्तीमा गस्ती गर्दै जाँदा पक्राऊ गरेको हो ।

लागूऔषधको कारोबार गर्ने गरेको गोप्य सूचनाको आधारमा प्रहरीले घिमिरेको घरकोठा खानतलासी गर्दा उनी सुत्ने कोठाको भित्तामा कालो झोलाभित्र लुकाई छिपाई राखको अवस्थामा लागूऔषध भेट्टिएको जिल्ला प्रहरी कार्यालय कास्कीका प्रवक्ता डीएसपी बसन्तकुमार शर्माले जानकारी दिए ।

घिमिरेको कोठाबाट प्रहरीले लागूऔषध डाईजापाम–२२८ एम्पूल, फेनेरागन–२१२ एम्पुल, र ब्रुफिन– २२२ एम्पूल गरी जम्मा ६६२ (छ सय बैसठ्ठी) एम्पुल लागूऔषध र उनले प्रयोग गर्ने मोवाईल प्रहरीले वरामद गरेको थियो । पक्राउ परेका घिमिरेलाई जिल्ला अदालत कास्कीकाट १० दिनको म्याद थप गरी प्रहरीले अनुसन्धान प्रकृया अगाडि बढाएको छ ।