महानिर्देशक अधिकारीको वषौंदेखिको यो धन्दाबाट आर्जित कालोधनले पोखरामा हिराको पसलदेखि रिसोर्टसम्म सञ्चालनमा आईरहेको चर्चा चलिरहेको छ । यसतर्फ सीआईबीले अनुसन्धान गर्ने हो भने अधिकारीको लगानीमा सञ्चालित यस्ता व्यवसायहरु र उनको धन्दामा सहयोगी मतियारहरुको पर्दाफास हुने निश्चित छ ।

काठमाडौं, १९ भदौं । नेपाल प्रहरीको केन्द्रीय अनुसन्धान ब्युरो (सीआईबी)ले सुन तस्करसँग साँठगाँठ देखिएका अध्यागमन विभागका महानिर्देशक झलकराम अधिकारीसहित करिब एकसयजनालाई केरकार गरेको छ । सुन तस्करीको सरकारी माफियाका रुपमा चिनिएका महानिर्देशक अधिकारीलाई कारवाही स्वरुप गृह मन्त्रालयमा तानिएको थियो ।

अध्यागमनका महानिर्देशक अधिकारी र पूर्वउपराष्ट्रपति नन्दबहादुर पुनका छोरा दिपेशको सुन तस्करीका मुख्य गिरोह दावा छिरिङसँग सिधा सम्पर्क रहेको समेत खुलेको छ । यो प्रकरणमा जोडिएका २७ जना हाल प्रहरी नियन्त्रणमा छन् ।

सीआईबीले सिनामंगलमा बरामद गरेको ६१ किलो सुन तस्करी गर्ने गिरोहसँग प्रत्यक्ष/अप्रत्यक्ष सम्पर्कमा रहेका करिब एकसयजनासँग सोधपुछ गरेको हो । यसैक्रममा तस्करहरुसँग पूर्वउपराष्ट्रपति नन्दबहादुर पुनका छोरा दिपेश पुन पनि अनुसन्धानको दायरामा तानिएका छन् । यस अघि पूर्वसभामुख कृष्णबहादुर महराका छोरा राहुललाई पनि सुन तस्करी काण्डमा नैं पक्राउ गरिएको थियो ।

सरकारी तस्करका रुपमा चिनिएका अधिकारीलाई भने गृहमन्त्री नारायणकाजी श्रेष्ठले संरक्षण गरेका कारण पक्राउ गरेर बयान लिनु पर्नेमा जोगिदैं आईरहेका छन् । एमाले पृष्ठभूमिका अधिकारी आफ्नो स्वार्थ र फाईदाका लागि यतिबेला गृहमन्त्री श्रेष्ठको नजिक पुगेका छन् । चौतर्फी रुपमा अधिकारीको धन्दाको पर्दाफास भएसँगैं संरक्षणमा देखिएका गृहमन्त्री श्रेष्ठको व्यापक आलोचना भईरहेको छ ।

सीआईबीले अधिकारीसहित विमानस्थल भन्सारका कर्मचारी र शंकास्पद अरुलाई केही दिनयता बोलाएर सोधपुछ गर्ने र निगरानीमा राख्ने काम भने गरिरहेको छ । सोधपुछ गरिएका सबैलाई बोलाएका बेला उपस्थित हुने गरी कागज गराइएको स्रोतले जनाएको छ ।

एमाले पृष्ठभूमिका अधिकारी आफ्नो स्वार्थ र फाईदाका लागि यतिबेला गृहमन्त्री श्रेष्ठको नजिक पुगेका छन् । चौतर्फी रुपमा अधिकारीको धन्दाको पर्दाफास भएसँगैं संरक्षणमा देखिएका गृहमन्त्री श्रेष्ठको व्यापक आलोचना भईरहेको छ ।

यो प्रकरणको अनुसन्धानका लागि सीआईबीले एसएसपी दिनेश आचार्यलाई हङकङ पठाएको छ । अरु केही प्रहरी अधिकृतहरू पनि थप प्रमाण जुटाउन भारत गएका छन् । सोमबारमात्र नेपाल–भारत सीमा क्षेत्रबाट सुन तस्करीका आरोपित सुमन खरेल पक्राउ परेका थिए । उनलाई मंगलबार साँझसम्म काठमाडौं ल्याउने तयारी छ ।

महानिर्देशक अधिकारीको वषौंदेखिको यो धन्दाबाट आर्जित कालोधनले पोखरामा हिराको पसलदेखि रिसोर्टसम्म सञ्चालनमा आईरहेको चर्चा चलिरहेको छ । यसतर्फ सीआईबीले अनुसन्धान गर्ने हो भने अधिकारीको लगानीमा सञ्चालित यस्ता व्यवसायहरु र उनको धन्दामा सहयोगी मतियारहरुको पर्दाफास हुने निश्चित छ ।