पोखरा, ७ साउन । महिलालाई कुटपिट गरी नगद र मोवाईल लुटेर फरार भएका २५ वर्षीय दिपेन गुरुङ भनेर चिनिने सन्तबहादुर मगरलाई जिल्ला प्रहरी कार्यालय कास्कीले पक्राउ गरेको छ ।

गत जेठ ५ गते गुरुङले राती १० बजेको समयमा पोखरा वडा नं. १८ गुफाडाँडास्थित झाँडीमा एकजना महिलालाई गम्भिर घाईते बनाएर फाली फरार भएका थिए ।

प्रहरी टोलीले फरार दिपेनलाई धादिङ बेनीघाट रोराङ गाउँपालिका वडा नं. १० डुंगे स्थित घरबाट नै पक्राउ गरेको थियो ।

धादिङ बेनीघाट घर भएका दिपेनले फलामको हथौंडा तथा धारिलो हतियार चक्कु समेत प्रयोग गरी टाउकोको विभिन्न भाड, दायाँ आँखामा समेत प्रहार गरी मरणासन्न अवस्थामा पु¥याई झाँडीमा फाली नगद ४ हजार रुपैयाँ र मोवाइल फोन १ थान लुटी फरार भएका थिए ।

नेपाल प्रहरी प्रदेश कार्यालय पोखरा, जिल्ला प्रहरी कार्यालय कास्कीको सहकार्यमा वडा प्रहरी कार्यालय बैदामबाट खटिएको प्रहरी टोली दिपेनलाई धादिङ बेनीघाट रोराङ गाउँपालिका वडा नं. १० डुंगे स्थित घरबाट नै पक्राउ गरेको थियो । कास्की जिल्ला अदालतबाट कुटपिट तथा अङ्गभङ्ग सम्बन्धी कसुर मुद्दामा सात दिनको म्याद थप गरी प्रहरीले अनुसन्धान अघि बढाएको छ ।